منتديات اصلو عربى

منتديات اصلو عربى (http://www.arabasl.com/vb/index.php)
-   منتدى الترفيه والكوميديـــا (http://www.arabasl.com/vb/forumdisplay.php?f=8)
-   -   احلى تشكيله نكت 2013 لعيونكم (http://www.arabasl.com/vb/showthread.php?t=3425)

arabasl 05-05-2013 04:44 PM

احلى تشكيله نكت 2013 لعيونكم
 
بسم الله الرحمن الرحيم
السلام عليكم ورحمه الله وبركاته


الى كل اخواتى واعزائى اعضاء وزوار المنتدى انا عندى لكم النهارده شويه من تشكيله النكت روووعه شويه عن المحششين وشويه عن الصعايده وشويه وعن النداله والبخلاء وغير ذلك واليكم هذه النكت يارب تعجبكم


محشش يتأمل

هو ليه فى سندباد و مفيش هندباد؟

مع ان فى جوز هند بس مفيش جوز سند!



و ليه فى شهرزاد و مفيش اسبوع زاد او نقص؟؟

و ليه فى باكستانى و مفيش باكستالت ولا رابع؟؟



************


محشش عنده 85 سنة راح مكتب تأمين على الحياة الموظف قال له انت سنك كبير مينفعش تأمن على حياتك قال له ليه ده ابويا كان هنا امبارح و عمل تأمين تعجب الموظف و قال له تعالى بكرة نشوف لك حل

قال له بكرة مشغول عندى فرح جدى, سأله الموظف انت جدك عايش وعايز يتجوز؟؟

قال له الصراحة مكنش عايز بس ابوه و امه ضاغطين عليه

***********


ندل انقذ شخص كان بيتحرق

كرموه و سألوه ايه سبب شجاعتك؟

قال لهم انقذته لسببين

الاول: علشان ميموتش شهيد

الثانى: علشان يعيش بقية حياته مشوه




************

ظابط قبض على طفل بيشم



قال له الشمام الصغير اسمه ايه؟؟

قال له كنتالوب يا باشا


************


صعيدى شغال سواق تاكسى فى الصين

كل ما حد يشاورله يقول له : ابو شكلك انا لسة موصلك


************

واحد بيقول لصاحبه بتحب ابوك ولا اللحمة؟؟

قال له انت عبيط دى الشوربة بس برقبته



************

عصفور صدمته عربية و اغمى عليه

صاحب العربية وقف و اخده البيت و حطه فى قفص

صحى العصفور لقى نفسه فى القفص مسجون قال معقوله يكون الراجل مات !!



************

واد فرفور ابوه جاب له شريط اسلامى يمكن ينصلح حاله رجع البيت لقاه محجب



************

صعيدى طلب يتعين فى مجلس الشعب

قالوا له انت اهبل !

قال لهم يعنى لازم الشرط ده؟؟



************

بخيل جاله ضيوف قال لمراته بفكر ادبح البغبغان و نعمل شوربة و فته و نشوى الضلوع ع الفحم و الجناح نعمله هواية و نعمل لحمة راس من المخ و نقلى الكبد و القوانص

رد البغبغان : ما تحلبنى بالمرة عشان تعمل رز بلبن يا روح امك



************

صينى عايز يشترى 10 علب كوكاكولا

دخل محل بقالة صعيدى قال له : ين شين شانج كوكاكولا

الصعيدى قال له بتقول 10 علب ايه؟



************

صعيدى بيقول للتانى: بيجولوا البابا شنوده وجع فى البانيو رجله اتكسرت

التانى قال له : ايه البانيو ده؟؟

قال له : و انا ايش عرفنى هوا انا مسيحى؟



************

سألوا صعيدى ايه اخبار الصيام؟

رد و قال و الله لولا الوضوء كنا متنا من العطش



************

صعيدى عايز يشنق نفسه من رجليه سألوه ليه؟

قال جربت من رقبتى كنت هموت



************

تلاتة مساطيل وقفوا تاكسى السواق عرف انهم مساطيل راح مشغل العربية و بطلها و قال لهم وصلنا

الاول دفع الاجرة, و التانى قال له شكرا , و التالت ضربه على قفاه و قاله متبقاش تجرى بسرعة مرة تانية



************

واحد واقف ادام الكعبة بيدعى يارب سامحنى على كل كلمة قلتها على الصعايدة

فواحد صعيدى وراه قال له هى القبلة ازاى؟

قال له شفت يارب هما اللى بينكشونى


************

سألوا الرئيس مبارك عن رأيه فى التغيير

قال: التغيير ده سنة الحياة

قالوا: طب و سيادتك مش هتتغير؟؟

قال: انا فرض مش سنة



************

محشش قالوا له التدخين يؤدى الى الموت البطئ

قال لهم انا اساسا مش مستعجل



************
ديك بيقول لفرخة انتى كل يوم تبيضى و عمرك ما كلتى بيض, قالت له ما انت كل يوم بتدن و عمرك ما ركعتها

منى 05-05-2013 04:47 PM

شكراً جزيلاً لموضوعك يا arabasl مشكووووووووووووووووووووووووووووووووور على الموضوع الرائع

عصام صقر 09-01-2013 02:12 AM

رد: احلى تشكيله نكت 2013 لعيونكم
 
روعة يا منى شكرا


الساعة الآن 05:54 AM

Powered by ArabASL.Com; Version 3.8.7
Copyright © 2017 Arab ASL Solutions, Inc. All rights reserved. منتديات عرب اى اس ال

Adsense Management by Losha